ഒത്തിരിനാളുകളായി ഓര്‍മ്മകളൊക്കെ ഒന്ന് പുതുക്കിയിട്ട്. ഇപ്പോള്‍ അതൊന്ന് പുതുക്കിയപ്പോള്‍ ആദ്യം കിട്ടിയതാണ് ഇത്.
ഏകദേശം മുപ്പത് വര്‍ഷങ്ങള്‍ക്ക് മുന്‍പാണെന്ന് തോന്നുന്നു പത്രത്തിലും റേഡിയോയിലും വന്ന ഒരു വാര്‍ത്ത എന്റെ മനസ്സില്‍ ഇപ്പോഴും തങ്ങിനില്‍ക്കുന്നു. ഇറ്റലിയില്‍ കളിച്ചുകൊണ്ടിരുന്ന ഒരു ആണ്‍‌കുട്ടി (പത്ത് വയസ്സില്‍ താഴെ ആണ് പ്രായം) ഉപയോഗശൂന്യമായ ഒരു കുഴല്‍‌ക്കിണറില്‍ വീണു. കുട്ടിയെ ഉടനെ തന്നെ രക്ഷിക്കാന്‍ ഗവണ്മെന്റ് ഏജന്‍സി നടത്തിയ ശ്രമങ്ങളൊന്നും ഫലവത്തായില്ല. മാത്രവുമല്ല കുട്ടി കൂടുതല്‍ ആഴത്തിലേക്ക് വഴുതി വീഴുകയും, പിന്നിട് മരിക്കുകയും ചെയ്തു. എന്നിരുന്നാലും അന്നത്തെ അവരുടെ രക്ഷാപ്രവര്‍ത്തനങ്ങള്‍ ഏറേ ശ്ലാഘനീയമായിരുന്നു. രക്ഷാപ്രവര്‍ത്തനവേളയില്‍ കുട്ടിയ്ക്ക് മാതാപിതാക്കളുമായി സംസാരിക്കാന്‍ ടെലഫോണ്‍ ബന്ധം ഉണ്ടാക്കി കൊടുക്കുകയും അതുപോലെ തന്നെ അവിടുത്തെ പ്രധാനമന്ത്രി തന്നെ നേരിട്ട് രക്ഷാപ്രവര്‍ത്തനങ്ങള്‍ക്ക് മുന്‍‌കൈ എടുത്തു എന്നൊക്കെ പത്രത്തില്‍ എഴുതിയിരുന്നു എന്നാണ് എന്റെ മങ്ങിയ ഓര്‍മ്മ. ഈ വാര്‍ത്തയെക്കുറിച്ച് കൂടുതല്‍ അറിയാവുന്നവര്‍ ദയവായി ഇവിടെ പങ്ക് വച്ചാലും!
3 comments:
ഒത്തിരിനാളുകളായി ഓര്‍മ്മകളൊക്കെ ഒന്ന് പുതുക്കിയിട്ട്. ഇപ്പോളൊന്ന് പുതുക്കിയപ്പോള്‍ ആദ്യം കിട്ടിയതാണ് ഇത്.
ശരിയാണ്. ഈ വാര്‍ത്ത ഞാനും ഓര്‍ക്കുന്നുണ്ട്.
ഇതുമായി ബന്ധപ്പെട്ട് തപ്പിയപ്പോള്‍ കിട്ടിയ കൂടുതല്‍ വിവരങ്ങള്‍ ദാ ഇവിടെ.
ഇത്തരം സംഭവങ്ങളൊക്കെ ഇപ്പോഴും മനസ്സില്‍ നില്‍ക്കുന്നത് കാണുമ്പോള്‍ അല്‍ഭുതം തോന്നുന്നു.
Post a Comment